Qashqadaryoda Xitoyda ishlab chiqarilgan 30 dona avtobus faoliyatini boshladi. Bu haqda viloyat hokimligi matbuot xizmati xabar berdi.
Maʼlum qilinishicha, bosqichma-bosqich viloyatga olib kelinayotgan avtobuslarning navbatdagi 30 donasi bugundan faoliyatini boshlagan.
“Ularning ichida 4 dona turistik avtobuslar ham mavjud bo‘lib, ichki turizmni rivojlantirishga, nuroniylar va yoshlarni sayohatlarini tashkil etishga xizmat qiladi”, – deyiladi xabarda.
“Qashqadaryo” gazetasi xabariga ko‘ra, avtobuslarning umumiy sig‘imi 67 kishi, shu jumladan, yo‘lovchi o‘rindiqlari soni 24 tani tashkil etadigan CRRC TEG6890NG01 rusumli mazkur avtobuslar nisbatan arzon va ekologik toza yonilg‘i – siqilgan tabiiy gazda ishlaydi.
“Shuningdek, bu transport vositalari kuzatuv kameralari, havo mo‘tadilligini taʼminlovchi moslamalar hamda harakatini masofadan monitoring qilish uchun GPS-trekerlar va yo‘l kirani elektron tarzda to‘lash uchun statsionar validatorlar bilan jihozlangan”, – deya qo‘shimcha qilingan xabarda.
Izoh (0)