Қашқадарёда Хитойда ишлаб чиқарилган 30 дона автобус фаолиятини бошлади. Бу ҳақда вилоят ҳокимлиги матбуот хизмати хабар берди.
Маълум қилинишича, босқичма-босқич вилоятга олиб келинаётган автобусларнинг навбатдаги 30 донаси бугундан фаолиятини бошлаган.
“Уларнинг ичида 4 дона туристик автобуслар ҳам мавжуд бўлиб, ички туризмни ривожлантиришга, нуронийлар ва ёшларни саёҳатларини ташкил этишга хизмат қилади”, – дейилади хабарда.
“Қашқадарё” газетаси хабарига кўра, автобусларнинг умумий сиғими 67 киши, шу жумладан, йўловчи ўриндиқлари сони 24 тани ташкил этадиган CRRC TEG6890NG01 русумли мазкур автобуслар нисбатан арзон ва экологик тоза ёнилғи – сиқилган табиий газда ишлайди.
“Шунингдек, бу транспорт воситалари кузатув камералари, ҳаво мўтадиллигини таъминловчи мосламалар ҳамда ҳаракатини масофадан мониторинг қилиш учун GPS-трекерлар ва йўл кирани электрон тарзда тўлаш учун стационар валидаторлар билан жиҳозланган”, – дея қўшимча қилинган хабарда.
Изоҳ (0)