Buyuk Britaniya huquq-tartibot idoralari maxsus operatsiya davomida Angliya janubidagi portlardan birida 5,7 tonna kokainni musodara qildi.
Bu Birlashgan Qirollik huquq-tartibot idoralari xodimlari musodara qilishga muvaffaq bo‘lgan giyohvand moddalarning eng katta partiyasidir.
Reuters xabariga ko‘ra, kokain Sautgempton portida topilgan. Oq kukun banan solingan idishga yashiringan bo‘lib, u Janubiy Amerikadan kelgan. Kokainning taxminiy qiymati 450 million funt sterlingni tashkil etadi.
Yanvar oyi oxirida Sankt-Peterburgning portida juda katta miqdordagi kokain musodara qilingandi. FSB va bojxona xodimlari 1200 kilogrammdan ortiq giyohvandlik moddasini qo‘lga olishgan.
Ushbu yukning narxi taxminan 140 mln dollarni tashkil qilishi xabar berilgandi. Kokain qahva solingan qoplardan topilgan.
Izoh (0)