Yangi sanksiyalar paketi doirasida Yevropa Ittifoqi KXDR xalq qurolli kuchlari vaziri Kan Sun Namga nisbatan shaxsiy cheklovlar joriy qildi. Bu haqda Yevrokomissiya ma’lumotlariga tayanib, “TASS” xabar berdi.
Yevrokomissiyada Rossiya hamkorlariga kuchli signal berilayotgani ta’kidlangan. Rossiyaga ballistik raketalar va boshqa qurollar yetkazib bergani uchun joriy qilingan sanksiyalar Shimoliy Koreya mudofaa idoralari rahbarlariga vizani taqiqlash va aktivlarini muzlatishdan iborat. YIning yangi sanksiyalar ro‘yxatiga Shimoliy Koreyadan Rossiyaga qurol olib o‘tish bilan bog‘liq bo‘lgan 10 ta rossiya kompaniyasi va jismoniy shaxslar kiritilgan.
Moskva avvalroq G‘arb davlatlarining Pxenyan bilan noqonuniy harbiy-texnik hamkorlikdagi ayblovlarini qat’iyan rad etgan. Xususan, Rossiya tashqi ishlar vaziri Sergey Lavrov Vashingtonning Pxenyan Moskvaga harbiy yordam berayotgani haqidagi da’volarini mish-mish deb atagan edi.
Izoh (0)