Andijon viloyatining Shahrixon tumanida uch nafar bola onasiga qaytarildi. Bu haqda Bosh prokuratura huzuridagi Majburiy ijro byurosi matbuot xizmati xabar berdi.
Maʼlum qilinishicha, Shahrixon tumanida yashovchi G.P. oilaviy kelishmovchilik sababli turmush o‘rtog‘i O‘.P.ning uyidan chiqib ketishga majbur bo‘lgan. Biroq farzandlarini olib ketolmagach, fuqarolik ishlari bo‘yicha Bo‘ston tumanlararo sudiga murojaat qilgan.
Sud uch nafar voyaga yetmagan bolalar ona parvarishiga muhtojligini inobatga olib, daʼvoni qanoatlantirgan.
Byuroning Shahrixon tuman bo‘limi xodimlari tomonidan ikki qiz va bir o‘g‘il farzandlarni onasi tarbiyasiga olib berish bo‘yicha ijro harakatlari olib borilgan. Mutasaddi idora vakillari bilan hamkorlikda bolalar onasi G.P. tarbiyasiga topshirildi.
Izoh (0)