Андижон вилоятининг Шаҳрихон туманида уч нафар бола онасига қайтарилди. Бу ҳақда Бош прокуратура ҳузуридаги Мажбурий ижро бюроси матбуот хизмати хабар берди.
Маълум қилинишича, Шаҳрихон туманида яшовчи Г.П. оилавий келишмовчилик сабабли турмуш ўртоғи Ў.П.нинг уйидан чиқиб кетишга мажбур бўлган. Бироқ фарзандларини олиб кетолмагач, фуқаролик ишлари бўйича Бўстон туманлараро судига мурожаат қилган.
Суд уч нафар вояга етмаган болалар она парваришига муҳтожлигини инобатга олиб, даъвони қаноатлантирган.
Бюронинг Шаҳрихон туман бўлими ходимлари томонидан икки қиз ва бир ўғил фарзандларни онаси тарбиясига олиб бериш бўйича ижро ҳаракатлари олиб борилган. Мутасадди идора вакиллари билан ҳамкорликда болалар онаси Г.П. тарбиясига топширилди.
Изоҳ (0)