Sirdaryo viloyatida yil boshidan buyon belgilanmagan joyga chiqindi tashlash bilan bog‘liq 235 ta qoidabuzarlik qayd etilgan. Bu haqda viloyat Ekologiya boshqarmasi axborot xizmatiga tayanib, viloyat hokimligi matbuot xizmati maʼlum qildi.
![](/static/2024/02/23/2024-02-23 19.08.30-u4URSjv3.jpg)
Qayd etilishicha, eng ko‘p qoidabuzarlik Guliston shahri (42), Mirzaobod tumani (25) va Shirin shahrida (24) aniqlangan bo‘lsa, eng kam qoidabuzarlik Yangiyer shahrida (9) qayd etilgan.
Boshqa hududlarda qoidabuzarliklar soni:
- Sayxunobod tumani - 10 ta;
- Sirdaryo tumani - 20 ta;
- Xovos tumani - 23 ta;
- Sardoba tumani - 29 ta;
- Boyovut tumani - 16 ta;
- Oqoltin tumani - 17 ta;
- Guliston tumani - 20 ta.
Holatlar bo‘yicha maʼmuriy bayonnoma rasmiylashtirilib, jami 90 mln 270 ming so‘m jarima belgilangan.