To‘rtta tumanga hokimlar tayinlandi

Namangan viloyatining Chust, Farg‘ona viloyatining Bag‘dod va Uchko‘prik hamda Jizzax viloyatining Baxmal tumanlariga hokimlar tayinlandi.

Jumladan, Chust tumani hokimi lavozimiga Salimjonov Baxtiyorjon Raximjonovichni tayinlandi.

U tayinlovga qadar Kosonsoy tumani hokimining sanoatni rivojlantirish masalalari bo‘yicha o‘rinbosari-tuman investitsiyalar va tashqi savdo bo‘limi boshlig‘i lavozimida faoliyat yuritgan.

G‘anijon Soliyev Farg‘ona viloyatining Bag‘dod tumani hokimi lavozimiga tayinlandi.

Bungacha u Bag‘dod tumani “Xo‘jaqishloq” MFYda hokim yordamchisi lavozimida faoliyat yuritayotgan edi.

Aziz Ergashev Baxmal tumani hokimi v.b. etib tayinlandi.

U tayinlovga qadar Jizzax shahar hokimining birinchi o‘rinbosari lavozimida faoliyat yuritib kelayotgan edi.

Qodirjon Erkaboyev Uchko‘prik tumani hokimi etib tayinlandi.

U 2021-yil avgustidan buyon “O‘zsanoatqurilishbank” ATB Farg‘ona mintaqaviy filiali boshlig‘i bo‘lib faoliyat ko‘rsatib kelayotgandi.