Akmal Mirzaolimov Xo‘jaobod tuman hokimi vazifasini vaqtinchalik bajaruvchi etib tayinlandi. Bu haqda Andijon viloyati hokimligi o‘zining Telegram kanali orqali xabar berdi.
Akmal Mirzaolimov 1979-yilda Qo‘rg‘ontepa tumanida tug‘ilgan. 2005-yilda Andijon qishloq xo‘jalik institutining iqtisodiyot yo‘nalishini tamomlagan.
Mehnat faoliyati davomida fermer xo‘jaliklarida hisobchi, tijorat banki mutaxassisi, g‘aznachilik bo‘linmasi inspektori, viloyat hokimligi bosh mutaxassisi, iqtisodiyot va hududlarni kompleks rivojlantirish bosh boshqarmasida bo‘lim boshlig‘i va MFYda hokim yordamchisi kabi lavozimlarda faoliyat yuritgan.
Ushbu lavozimga qadar Xo‘jaobod tumani hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari lavozimida faoliyat yuritib kelayotgan edi.
Tumanning oldingi hokimi O‘tkirbek Shukurov sog‘lig‘i tufayli o‘z arizasiga binoan lavozimidan ozod qilingani aytilmoqda.
Izoh (0)