Andijon viloyati hokimi qaroriga asosan Oltinko‘l tumani hokimi lavozimiga Otavulloxon Rasulov tayinlandi. Bu haqda viloyat hokimligi matbuot xizmati xabar berdi.
Otavulloxon Rasulov 1987-yili Paxtaobod tumanida tug‘ilgan. 2011-yilda Jahon iqtisodiyoti va diplomatiya universitetini, shuningdek, O‘zbekiston Bank-moliya akademiyasini tamomlagan.
Mehnat faoliyati davomida tuman hamda viloyat moliya tizimlarida mutaxassis, rahbar, shuningdek, tuman hokimining birinchi o‘rinbosari lavozimlarida ishlagan.
Ushbu lavozimga tayinlanguniga qadar Andijon viloyat kambag‘allikni qisqartirish va bandlik bosh boshqarmasi boshlig‘ining o‘rinbosari — mahallabay ishlash va tadbirkorlikni rivojlantirish agentligining Andijon viloyati boshqarmasi boshlig‘i lavozimida faoliyat yuritib kelayotgan edi.
6-fevral kuni Ergashali Abdujalilov Oltinko‘l tumani hokimi vazifasini bajaruvchi etib tayinlangani to‘g‘risida xabar berilgandi. Avvalroq Andijon viloyati hokimi o‘rinbosari — oila va xotin-qizlar boshqarmasi boshlig‘i lavozimida faoliyat yuritgan Gulnora Abdullayeva lavozimidan ozod etilgandi.
Izoh (0)