Rossiyada afg‘onistonlik jurnalist 2 yillik qamoq jazosiga hukm qilindi

Rossiyada afg‘onistonlik jurnalist Kobri Husayni ikki yillik qamoq jazosiga hukm qilindi. Bu haqda Bakhtar xabar berdi.

Jurnalist Rossiyaning Yevropa bilan chegarasini noqonuniy kesib o‘tganlik uchun Sankt-Peterburg shahar sudi tomonidan 2 yillik qamoqqa hukm qilingan. “Tolibon” Afg‘oniston ustidan nazorat o‘rnatgach, Rossiyaga ko‘chib kelgan afg‘on jurnalisti hamkasbi bilan ikki yil qamoqda o‘tirgan. Sud qarori bilan ular jazoni o‘tab bo‘lgan deb hisoblanadi va boshqa qamoqda o‘tirmaydi.

Kobri Husayni Yevropaga ko‘chib ketmoqchi bo‘lgan. Endi u Afg‘onistonga deportatsiya qilinishi mumkin. Sud jarayonida Rossiya hukumati Husayniga vaqtinchalik boshpana berishdan bosh tortgan va bunga asos yo‘qligini aytgan.

Oliy komissarlik (BMTning qochqinlar bo‘yicha) barcha mamlakatlarni “xavf ostidagi” afg‘onlarga, jumladan, elchixona va xalqaro tashkilotning sobiq xodimlari, jurnalist va ayollarga boshpana berishga chaqiradi.