AQSHning Guantanamo qamoqxonasida saqlangan “Tolibon” harakatining ikki nafar a’zosi ozod qilindi. Bu haqda Hasht-e Subh Daily xabar berdi.
“Tolibon” Ichki ishlar vazirligi matbuot kotibi Abdul Matin Keynning aytishicha, ikki mahbus Guantanamoda 14 yil va Ummonda yetti yil uy qamog‘ida saqlanganidan keyin ozod etilgan. Abdulzohir Sobir va Abdul Karim “Tolibon” sa’y-harakatlari tufayli ozod etilgan. Ular Kobulda maxsus kutib olingan.
Maʼlumotlarga ko‘ra, “Tolibon”ning mazkur ikki a’zosi 2003-yilda Guantanamo qamoqxonasiga ko‘chirilgan va bu qamoqxonada 14 yil o‘tirgandan so‘ng 2017-yilda Ummonga ko‘chirilgan. Sobir Logar viloyatida istiqomat qiladi va 2002-yil 10-mayda AQSH kuchlari tomonidan hibsga olingan va o‘sha yilning oktyabr oyida Guantanamo qamoqxonasiga o‘tkazilgan. Abdul Karim esa Xost viloyatida istiqomat qiladi va 2002-yil 14-avgustda Pokistonda hibsga olingan.
2002-yil 11-sentyabr teraktlari ortidan AQSH hukumati “Al-Qoida” yetakchisi Usama bin Ladenni hibsga olish uchun Kubada Guantanamo qamoqxonasini tashkil qilgan. Bu qamoqxonada 11-sentyabr kuni Amerikaga qarshi hujumlarni sodir etganlikda ayblangan yuzlab odamlar saqlanardi.
“Tolibon” Guntanamodan Muhammad Rahim ismli oxirgi afg‘on mahbusini ham ozod qilishga urinmoqda. U “Al-Qoida” rahbari Usama bin Ladenning sobiq yordamchisi hisoblanadi.
Izoh (0)