Amerikaliklar 23 yil avval, 2001-yilning fevral oyida “Shimoliy alyans” yetakchisi Ahmad Shoh Mas’udga Panjsherni sotishni taklif qilgan. Bu haqda manbalarga tayanib, afg‘onistonlik ekspert Andrey Serenko xabar berdi.
Serenkoning so‘zlariga ko‘ra, 2001-yilning fevralida Afg‘onistonning Taxar viloyatida Ahmad Shoh Mas’ud va Amerika razvedkasining ikki vakili o‘rtasida uchrashuv bo‘lib o‘tgan.
“Amerikaliklardan biri dari tilida mukammal gapirgan. Ahmad Shoh Mas’ud va uning eng yaqin hamkorlariga Panjsherni abadiy tark etish evaziga o‘zlari xohlagan har qanday davlatda yashash va kerakli miqdordagi pulni olish taklif etilgan”, — deb eslaydi Markaziy razvedka boshqarmasi xodimlari.
Amerikaliklar Mas’ud va uning atrofidagilarning barcha shartlari bajarilishiga va’da bergan. Biroq Mas’ud bunga qarshilik qilgan.
Manbaning qayd etishicha, Ahmad Shoh Mas’ud bilan suhbat chog‘ida amerikaliklar Afg‘oniston shimoliga o‘sha paytda Pokistonda bo‘lgan chet elliklar orasidan bir necha mujohid guruhlarini ko‘chirish zarurligi haqida gapirgan.
“O‘shanda ham, 23 yil avval Markaziy razvedka boshqarmasi Panjsher va unga qo‘shni shimoliy Afg‘oniston viloyatlarini xalqaro terrorchilar uchun yangi bazalar deb hisoblagan. Bu rejalar (xorijiy terrorchilarni Panjsherga joylashtirish) uzoq tarixga ega, kamida 2001-yilning fevralida boshlangan”, — deydi manba ekspertga.
Manbaga ko‘ra, Mas’udning Panjsherni “sotishdan” bosh tortgani uning 2001-yil sentyabrida “Al-Qoida” jangarilari tomonidan o‘ldirilishiga asosiy sabab bo‘lgan bo‘lishi mumkin.
2001-yil fevralida AQSH razvedkasi emissarlari bilan uchrashgandan so‘ng ko‘p o‘tmay Ahmad Shoh Mas’ud Rossiya tomonini yuqoridagi taklif haqida xabardor qilgan. Biroq, o‘shanda Moskvadan hech qanday munosabat bo‘lmagan.
Izoh (0)