Россияда афғонистонлик журналист Кобри Ҳусайни икки йиллик қамоқ жазосига ҳукм қилинди. Бу ҳақда Bakhtar хабар берди.
Журналист Россиянинг Европа билан чегарасини ноқонуний кесиб ўтганлик учун Санкт-Петербург шаҳар суди томонидан 2 йиллик қамоққа ҳукм қилинган. “Толибон” Афғонистон устидан назорат ўрнатгач, Россияга кўчиб келган афғон журналисти ҳамкасби билан икки йил қамоқда ўтирган. Суд қарори билан улар жазони ўтаб бўлган деб ҳисобланади ва бошқа қамоқда ўтирмайди.
Кобри Ҳусайни Европага кўчиб кетмоқчи бўлган. Энди у Афғонистонга депортация қилиниши мумкин. Суд жараёнида Россия ҳукумати Ҳусайнига вақтинчалик бошпана беришдан бош тортган ва бунга асос йўқлигини айтган.
Олий комиссарлик (БМТнинг қочқинлар бўйича) барча мамлакатларни “хавф остидаги” афғонларга, жумладан, элчихона ва халқаро ташкилотнинг собиқ ходимлари, журналист ва аёлларга бошпана беришга чақиради.
Изоҳ (0)