Фарғонада дарахтлар кесилиши ортидан келиб чиққан ўзаро жанжал оқибатида бир аёл вафот этгани ҳақида хабар берилганди. Ҳолат омбудсман томонидан назоратга олиниб, унинг Фарғонадаги минтақавий вакили томонидан ўрганилди.
Аниқланишича, жорий йилнинг 14 февраль куни фуқаро Ш.О. Фарғона шаҳар “Жўйдам” МФЙда жойлашган экин ер майдони четидаги терак дарахтларини кестираётган вақтида ушбу ер майдонининг собиқ эгаси фуқаро У.Э. терак дарахтлари унга тегишли экани хусусида жанжаллашиб кетган
Жанжал давомида Э.У. фуқаро Ш.О.нинг бош қисмига тош билан уриб, унга тан жароҳати етказган. Кўрсатилган биринчи тез-тиббий ёрдамга қарамасдан, Ш.О. шифохонада вафот этган.
Суд тиббий экспертизасининг дастлабки хулосасига кўра, Ш.О.нинг ўлимига бош қисмидан олган оғир тан жароҳатлари сабаб бўлгани кўрсатилган. Шунингдек, мазкур ҳолат юзасидан Э.У.га нисбатан Фарғона шаҳар прокуратураси томонидан Жиноят кодексининг 97-моддаси 1-қисми (қасддан одам ўлдириш) билан жиноят иши қўзғатилиб, қамоққа олинган.
Ушбу ҳолат омбудсман томонидан назоратга олиниб, Жиноят-процессуал кодекси талабларига кўра кўриб чиқилиши бўйича Фарғона вилоят прокуратурасига назорат хати киритилди.
Изоҳ (0)