2021-yilda Parij jinoiy sudi sobiq davlat rahbarini 2012-yilgi saylov kampaniyasida xarajatlarining qonuniy chegarasidan sezilarli darajada oshib ketganlikda aybdor deb topib, uni bir yil muddatga ozodlikdan mahrum qilgandi.
AFP xabariga ko‘ra, apellyatsiya sudi Nikolya Sarkoziga nisbatan ilgari chiqarilgan hukmni tasdiqlab, jazoni biroz yumshatgan.
Bugun, 14-fevral kuni Nikolya Sarkoziga berilgan 1 yillik qamoq jazosi o‘zarishsiz qoldirilgani e’lon qilindi, biroq endilikda uning olti oyi shartli bo‘ladi. Bunday qisqa muddatli jazolar qamoqxonada emas, balki elektron braslet taqilgan holda uy qamog‘ida o‘tkaziladi.
Bu Nikolya Sarkoziga qarshi birinchi hukm emas. 2023-yil may oyida “telefon suhbatlarini yashirincha tinglash” ishi bo‘yicha u uch yilga ozodlikdan mahrum qilingandi, ammo bu qaror haligacha kassatsiya sudida ko‘rilmoqda.
Kelgusi yilda esa sobiq prezident Nikolya Sarkozini yana bir sud kutmoqda. Uning 2007-yilgi prezidentlik kampaniyasi Liviya tomonidan moliyalashtirilgani gumon qilinmoqda
Izoh (0)