Chempionlik ishtiyoqi, tarkibga qo‘shilgan “yulduzlar” va yangi homiy. “Navbahor” taqdimot tadbiridan fotogalereya

Namangan shahridagi “Pahlavon” sport majmuasida “Navbahor” futbol klubining taqdimot tadbiri bo‘lib o‘tdi. Bu haqda “Daryo” muxbiri Azizbek Abduvaliyev xabar bermoqda. 

Viloyat hokimi, viloyat futbol assotsiatsiyasi prezidenti Shavkat Abdurazzoqov “Navbahor”ning o‘tgan yilgi natijalari, xususan, milliy chempionatdagi yorqin o‘yinlar, Osiyo Chempionlar Ligasidagi muvaffaqiyatli ishtirokini e’tirof etib, yangi mavsumda chempion bo‘lish vaqti kelganligini ta’kidladi. 

Shundan so‘ng o‘tgan mavsumda bronza medalini qo‘lga kiritgan futbolchilar, murabbiylar shtabi va klub rahbariyatiga medallar topshirildi.

“Navbahor”ning yangi mavsum tarkibi tanishtirilib, o‘yinchilarga  raqamlari yozilgan futbolkalar taqdim etildi. Jamoa safiga kelib qo‘shilgan futbolchilar safida eronlik yarim himoyachi Siyovush Haqnazari, gruziyalik hujumchi Giorgi Nikabadze,  darvozabon Aleksandr Lobanov, himoyachi Farrux Sayfiyev, yarim himoyachi Odilbek Hamrobekov, hujumchi Ruslanbek Jiyanov va boshqalar bor. 

Ma’lumot uchun, bu yil “lochinlar” Saber brendiga mansub futbolkalarda maydonga tushadi. Titul homiysi sifatida esa "E-AUKSION" elektron savdo platformasi qayd etilgan. 

“Daryo” ushbu tadbirdan video va fotolavhalar tayyorladi.