Futbol bo‘yicha Ispaniya La Ligasining 24-turida “Real” 10-fevral, shanba kuni “Jirona”ga qarshi bahs olib bordi.
Uchrashuvning 6-daqiqasidayoq Vinisius Junior ajoyib zarba bilan hisobni ochdi. 35-daqiqada Jud Bellinghem hisobni ishonchli ko‘rinishga olib keldi.
Madridliklar ikkinchi bolimda ham faollikni pasaytirmadi va gollar urishda davom etdi. Dastlab, 54-daqiqada Jud dublni rasmiylashtirgan bo‘lsa, 61-daqiqada Rodrigo “qaymoqranglilar”ning 4-goliga mualliflik qildi. Qolgan daqiqalarda shu hisob saqlanib qoldi va Karlo Anchelotti shogirdlari 4:0 hisobidagi g‘alabani rasmiylashtirdi.
“Real” ushbu g‘alabadan so‘ng ochkolarini 61 taga yetkazdi va musobaqa peshqadami bo‘lib qolmoqda. “Jirona” esa undan 5 ochko ortda qolgan holda 2-o‘rinda bormoqda.
La Liga
24-tur bahsi
10-fevral, shanba
“Real” – “Jirona” 4:0
Gollar: 1:0 – 6 Vinisius Junior, 2:0 – 35 Bellinghem, 3:0 – 54 Bellinghem, 4:0 – 61 Rodrigo.
“Real Madrid”: Lunin, Karvaxal, Tchuameni, Mendi (Fran Garsiya, 77), Kroos (Modrich, 70), Valverde, Kamavinga, Bellinghem (Braim Dias, 57), Vaskes, Vinisius Junior (Gyuler, 77), Rodrigo (Xoselu, 70).
“Jirona”: Gassaniga, Yan Kouto, Xuanpe, Erik Garsiya, Migel Gutyerres, Aleish Garsiya, Martin (Solis, 70), Portu (Torre, 46), Sigankov (Fernandes, 70), Savio, Dovbik (Stuani, 70).
Ogohlantirishlar: Xuanpe (21), Yan Kouto (68), Mendi (76).
Izoh (0)