Namangan viloyati hokimligi budjeti zaxira jamg‘armasidan “Navbahor” futbol klubi uchun 2,5 mlrd so‘m ajratildi

Namanganning “Navbahor” jamoasiga viloyat hokimligi budjeti zaxira jamg‘armasidan 2,5 milliard so‘m ajratildi.

“O‘zbekiston Respublikasi Vazirlar Mahkamasining 2019-yil 3-apreldagi 05-14/1-917-son yig‘ilish bayoni ijrosiga muvofiq, “Navbahor” professional futbol klubining joriy yil 24-yanvardagi 19-sonli murojaat xatini inobatga olib,

Viloyatda sportning futbol turini rivojlantirish va bosh jamoa bo‘lgan “Navbahor” professional futbol klubini moliyaviy holatini tiklash, mavsumoldi yig‘inlarini yuqori saviyada o‘tkazish bilan bog‘liq xarajatlar hisobidan viloyat hokimligi qoshidagi “Markaziy” o‘yingoh binolari va inshootlaridan foydalanish direksiyasi davlat unitar korxonasiga 2,0 (ikki) milliard so‘m mablag‘ ajratilsin”.

“O‘zbekiston Respublikasi Vazirlar Mahkamasining 2019-yil 3-apreldagi 05-14/1-917-son yig‘ilish bayoni ijrosiga muvofiq, “Navbahor” professional futbol klubining joriy yil 18-yanvardagi 12-sonli murojaat xatini inobatga olib,

Viloyatda sportning futbol turini rivojlantirish va bosh jamoa bo‘lgan “Navbahor” professional futbol klubini moliyaviy holatini tiklash, mavsumoldi yig‘inlarini yuqori saviyada o‘tkazish bilan bog‘liq xarajatlar hisobidan viloyat hokimligi qoshidagi “Markaziy” o‘yingoh binolari va inshootlaridan foydalanish direksiyasi davlat unitar korxonasiga 500,0 (besh yuz) milliard so‘m mablag‘ ajratilsin”, — deyiladi farmoyishda.