O‘zbekistonda tez yordamning uchta hududiy filialiga 8-fevral kuni yana 30 ta A toifali Volkswagen Caddy avtomashinalari topshirildi. Bu haqda Sog‘liqni saqlash vazirligi matbuot xizmati xabar berdi.
Qayd etilishicha, 2023-yil yanvar-fevral oylarida Respublika tez tibbiy yordam markazi avtoparki O‘zbekistonda ishlab chiqarilgan 227 ta Volkswagen Caddy avtomashinalari bilan boyidi.
Shuningdek, 2023-yil avgust oyida 50, sentyabr oyida 100, oktyabr oyida 100, noyabr oyida esa yana 108 dona ana shunday avtomashinalar yangi partiyasi ehtiyojga qarab Respublika tez tibbiy yordam markazining hududiy filiallariga taqdim etildi.
2023-yil so‘ngida Jizzakh Auto kompaniyasi tomonidan Sog‘liqni saqlash vazirligi tizimi uchun mazkur rusumdagi avtomashinalarning navbatdagi 100 dona yangi partiyasi topshirildi.
Bu galgi 30 ta avtoulov Respublika tez tibbiy yordam markazining Qashqadaryo, Samarqand va Xorazm viloyati filiallariga mavjud ehtiyojga qarab taqsimlanadi. Natijada tizimdagi bunday avtotransport vositalari soni jami 800 dan oshadi.
Rejaga ko‘ra, 2024-yil mart oyigacha yana 170 ta Volkswagen Caddy rusumidagi tez tibbiy yordam avtomashinalari hududlarga topshiriladi.
Izoh (0)