Ўзбекистонда тез ёрдамнинг учта ҳудудий филиалига 8 февраль куни яна 30 та А тоифали Volkswagen Caddy автомашиналари топширилди. Бу ҳақда Соғлиқни сақлаш вазирлиги матбуот хизмати хабар берди.
Қайд этилишича, 2023 йил январь февраль ойларида Республика тез тиббий ёрдам маркази автопарки Ўзбекистонда ишлаб чиқарилган 227 та Volkswagen Caddy автомашиналари билан бойиди.
Шунингдек, 2023 йил август ойида 50, сентябрь ойида 100, октябрь ойида 100, ноябрь ойида эса яна 108 дона ана шундай автомашиналар янги партияси эҳтиёжга қараб Республика тез тиббий ёрдам марказининг ҳудудий филиалларига тақдим этилди.
2023 йил сўнгида Jizzakh Аutо компанияси томонидан Соғлиқни сақлаш вазирлиги тизими учун мазкур русумдаги автомашиналарнинг навбатдаги 100 дона янги партияси топширилди.
Бу галги 30 та автоулов Республика тез тиббий ёрдам марказининг Қашқадарё, Самарқанд ва Хоразм вилояти филиалларига мавжуд эҳтиёжга қараб тақсимланади. Натижада тизимдаги бундай автотранспорт воситалари сони жами 800 дан ошади.
Режага кўра, 2024 йил март ойигача яна 170 та Volkswagen Caddy русумидаги тез тиббий ёрдам автомашиналари ҳудудларга топширилади.
Изоҳ (0)