Qalin qor yog‘gani sababli 8-fevral kuni soat 00:50 dan A-373 xalqaro avtomobil yo‘lining Qamchiq dovoni qismi avtomobillar harakati uchun vaqtincha yopilgani to‘g‘risida xabar berilgandi. FVV matbuot xizmatining ma’lum qilishicha, ayni vaqtda dovon orqali transport vositalari harakatiga ruxsat berilgan.
“Favqulodda vaziyatlar vazirligi tegishli xizmatlar bilan hamkorlikda olib borilgan muhofaza tadbirlarini muvofiqlashtirib bordi. Amalga oshirilgan zaruriy tadbirlar natijasida 8-fevral kuni soat 10:30 da Qamchiq dovoni avtomobillar harakati uchun qayta ochildi”, — deyiladi xabarda.
“O‘zgidromet” 7−8-fevral kunlari Qamchiq dovonida qor yog‘ishi, vaqti-vaqti bilan kuchli yog‘ingarchilik va tuman kuzatilishi, ko‘rinuvchanlik 50 metrgacha pasayishi mumkinligi haqida xabar bergandi. Shuningdek, 7—8-fevral kunlari A-373 Toshkent—O‘sh avtoyo‘lining Qamchiq dovonidan o‘tgan qismida qor yog‘ishi, vaqti-vaqti bilan kuchli yog‘ingarchilik va tuman kuzatilishi, ko‘rinuvchanlik 50 metrgacha pasayishi, shamol tezligi 15-20 metr/sekundgacha kuchayishi natijasida avtoyo‘lda yaxmalak va qor uyumlari yuzaga kelishi mumkinligi aytilgan edi.
Izoh (0)