Toshkent shahar Chilonzor tumanida aksiz markasiz tamaki mahsulotlarini muomalaga kiritilishining oldi olindi. Bu haqda Iqtisodiy jinoyatlarga qarshi kurashish departamenti axborot xizmati xabar berdi.
Unga ko‘ra, holat Bosh prokuratura huzuridagi departamentning Chilonzor tuman bo‘limi tomonidan soliq inspeksiyasi xodimlari bilan hamkorlikda o‘tkazilgan tergovga qadar tekshiruvda aniqlangan. “A-T.” MCHJga qarashli savdo do‘koni sotuvchisi A.S. hech qanday hujjatsiz 3 quti aksiz markasiz tamaki mahsulotini fuqaro E.Q.ga sotganligi aniqlanib, ushbu savdo do‘konidan 94 xil turdagi jami 2 799 quti aksiz markasiz tamaki mahsulotlari ashyoviy dalil sifatida olingan.
Mazkur holat yuzasidan Jinoyat kodeksining 186-1-moddasi (etil spirti, alkogolli mahsulot va tamaki mahsulotini qonunga xilof ravishda ishlab chiqarish yoki muomalaga kiritish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)