Farg‘ona viloyatida aksiz markasiz tamaki mahsulotlarini muomalaga kiritilishining oldi olindi, deb xabar bermoqda Iqtisodiy jinoyatlarga qarshi kurashish departamenti axborot xizmati xabar berdi.
Unga ko‘ra, holat Bosh prokuratura huzuridagi departamentning Farg‘ona viloyat boshqarmasi tomonidan IIB xodimlari bilan hamkorlikda o‘tkazilgan tezkor tadbirda aniqlangan. Tamaki mahsulotlari savdosi bilan shug‘ullanib kelgan X.T. Farg‘ona shahar “Markaziy dehqon bozori” MCHJ oldida fuqaro M.X.ga 2 quti “Esse change” nomli aksiz markasiz tamaki mahsulotini sotayotgan vaqtida ushlanib, uning yonidan 10 turdagi jami 3 717 quti aksiz markasiz tamaki mahsulotlari ashyoviy dalil sifatida olingan.
Mazkur holat yuzasidan Jinoyat kodeksining 186-1-moddasi (etil spirti, alkogolli mahsulot va tamaki mahsulotini qonunga xilof ravishda ishlab chiqarish yoki muomalaga kiritish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)