Тошкент шаҳар Чилонзор туманида акциз маркасиз тамаки маҳсулотларини муомалага киритилишининг олди олинди. Бу ҳақда Иқтисодий жиноятларга қарши курашиш департаменти ахборот хизмати хабар берди.
Унга кўра, ҳолат Бош прокуратура ҳузуридаги департаментнинг Чилонзор туман бўлими томонидан солиқ инспекцияси ходимлари билан ҳамкорликда ўтказилган терговга қадар текширувда аниқланган. “А-Т.” МЧЖга қарашли савдо дўкони сотувчиси А.С. ҳеч қандай ҳужжатсиз 3 қути акциз маркасиз тамаки маҳсулотини фуқаро Э.Қ.га сотганлиги аниқланиб, ушбу савдо дўконидан 94 хил турдаги жами 2 799 қути акциз маркасиз тамаки маҳсулотлари ашёвий далил сифатида олинган.
Мазкур ҳолат юзасидан Жиноят кодексининг 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда ишлаб чиқариш ёки муомалага киритиш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)