Namanganda haydovchilik guvohnomasini oluvchilar uchun innovatsion imtihon markazi foydalanishga topshirildi. Bu haqda “Daryo” muxbiri Azizbek Abduvaliyev xabar bermoqda.
![](https://daryo.uz/static/2023/%D0%90%D0%B7%D0%B8%D0%B7%D0%B1%D0%B5%D0%BA/photo_2024-02-06_12-35-16.jpg?_t=1707327634)
Foto: Rahmonjon Mamadaliyev
Davlatobod tumanining “Yuksalish” mahallasi hududida faoliyat boshlagan mazkur markazda kuniga o‘rtacha 500 kishi imtihon topshirishi mumkin.
![](https://daryo.uz/static/2023/%D0%90%D0%B7%D0%B8%D0%B7%D0%B1%D0%B5%D0%BA/photo_2024-02-06_12-35-18.jpg?_t=1707327699)
Foto: Rahmonjon Mamadaliyev
Bu yerda bo‘lajak haydovchilarni imtihondan o‘tkazish uchun zarur bo‘lgan barcha sharoitlar, jumladan, zamonaviy o‘quv xonalaridan tortib, avtomatlashtirilgan avtodromgacha mavjud.
![](https://daryo.uz/static/2023/%D0%90%D0%B7%D0%B8%D0%B7%D0%B1%D0%B5%D0%BA/photo_2024-02-06_12-35-23.jpg?_t=1707327756)
Foto: Rahmonjon Mamadaliyev
Markazning ochilish marosimida qayd etilishicha, oxirgi vaqtlarda haydovchilik guvohnomasini olmoqchi bo‘lganlar imtihon topshirish uchun qo‘shni viloyatlarga borishiga to‘g‘ri kelgan. Endi Namanganda bu muammoga chek qo‘yildi.