Qozog‘istonning sobiq bosh vaziri Alixon Smoilov hukumat iste’fosiga munosabat bildirdi. Bu haqda Zakon.kz xabar berdi.
“Davlat rahbari Qozog‘iston Respublikasi hukumati isteʼfosini qabul qildi. Birinchi navbatda, prezident Qosim-Jo‘mart Kemelevich To‘qayevga Qozog‘iston Respublikasi hukumatiga rahbarlik qilishda ko‘rsatgan ishonchi uchun chuqur minnatdorlik bildirmoqchiman. Bu ikki yil jamiyat uchun burilish davri bo‘ldi. Davlat rahbari yangi “Adolatli Qozog‘iston”ni barpo etishga qaratilgan eng muhim siyosiy va iqtisodiy islohotlarni boshlab berdi”, — deydi Smailov.
Shuningdek, u hukumat faoliyati ushbu islohotlarni amalga oshirish va Qozog‘istonning barqaror ijtimoiy-iqtisodiy rivojlanishini ta’minlashga qaratilganini aytdi.
“Hukumat va mahalliy ijro etuvchi hokimiyat organlarining harakatlari tufayli maʼlum natijalarga erishildi. 2023-yil yakuniga ko‘ra, iqtisodiy o‘sish 5,1 foizni tashkil etdi, barcha asosiy tarmoqlar ijobiy dinamikani ko‘rsatdi. Inflyatsiya 2 barobarga kamaydi. Ketma-ket ikkinchi yil to‘g‘ridan-to‘g‘ri xorijiy investitsiyalar oqimi so‘nggi o‘n yillikdagi eng yuqori ko‘rsatkichni qayd etdi: ularning yillik hajmi 26-28 milliard dollar darajasida bo‘ldi”, — ta’kidladi Smailov.
Siyosatchi Milliy jamg‘arma aktivlari 2023-yili 4 milliard dollarga o‘sib, 60 milliard dollardan oshganini ma’lum qildi. Reyting agentliklari milliy iqtisodiyotning suveren reytingi va investitsiya ishonchliligini tasdiqladi.
“Hukumatdagi barcha hamkasblarimga, shuningdek, deputatlik korpusiga birgalikda va samarali mehnat uchun samimiy minnatdorlik bildiraman. O‘z mehnati bilan mamlakatimiz ravnaqiga hissa qo‘shayotgan barcha qozog‘istonliklarga minnatdorlik bildiraman”, — deya xulosa qilgan Smoilov.
Qozog‘iston hukumati 2024-yil 7-fevralga belgilangan kengaytirilgan yig‘ilish oldidan iste’foga chiqdi. Roman Sklyar vaqtinchalik bosh vazir vazifasini bajaruvchi etib tayinlandi.
Izoh (0)