O‘zbekiston bo‘yicha yo‘l harakati xavfsizligi xizmati tomonidan 2023-yilning yanvar-dekabr oylarida davlat ro‘yxatidan o‘tkazilgan yangi avtotransport vositalari soni 424 658 donani tashkil etdi. Bu haqda Statistika agentligi xabar berdi.
Shundan:
- O‘zbekistonda ishlab chiqarilgan — 85,3 foiz (362 236 dona);
- xorijda ishlab chiqarilgan — 14,7 foiz (62 422 dona).
Avvalroq O‘zbekistonda 2023-yilda ishlab chiqarilgan yengil avtomobillarning 118 093 donasi Cobalt hissasiga to‘g‘ri kelgani va bu boshqa rusumlar ichida eng ko‘p miqdor ekani xabar qilingandi. Keyingi o‘rinlarda Damas (89 154 dona) va Gentra (82 133 dona) nisbatan ko‘p ishlab chiqarilgan. Shu bilan birga, kompaniya o‘tgan yili 48 082 dona Tracker, 30 596 dona Chevrolet Onix avtomobillarini ishlab chiqargan.
Mamlakatda o‘tgan yil davomida yengil elektromobillar savdosi 4,3 baravarga oshib, 25,7 mingta elektrokarni tashkil etdi. Eng ko‘p elektromobillar Toshkentda (qariyb 71 foiz), eng kami esa Surxondaryo viloyatida (123 ta) sotildi.
Izoh (0)