Ўзбекистон бўйича йўл ҳаракати хавфсизлиги хизмати томонидан 2023 йилнинг январь декабрь ойларида давлат рўйхатидан ўтказилган янги автотранспорт воситалари сони 424 658 донани ташкил этди. Бу ҳақда Статистика агентлиги хабар берди.
Шундан:
- Ўзбекистонда ишлаб чиқарилган — 85,3 фоиз (362 236 дона);
- хорижда ишлаб чиқарилган — 14,7 фоиз (62 422 дона).
Аввалроқ Ўзбекистонда 2023 йилда ишлаб чиқарилган енгил автомобилларнинг 118 093 донаси Cobalt ҳиссасига тўғри келгани ва бу бошқа русумлар ичида энг кўп миқдор экани хабар қилинганди. Кейинги ўринларда Damas (89 154 дона) ва Gentra (82 133 дона) нисбатан кўп ишлаб чиқарилган. Шу билан бирга, компания ўтган йили 48 082 дона Tracker, 30 596 дона Chevrolet Onix автомобилларини ишлаб чиқарган.
Мамлакатда ўтган йил давомида енгил электромобиллар савдоси 4,3 бараварга ошиб, 25,7 мингта электрокарни ташкил этди. Энг кўп электромобиллар Тошкентда (қарийб 71 фоиз), энг ками эса Сурхондарё вилоятида (123 та) сотилди.
Изоҳ (0)