Xitoyning Tayvanga hujumi taxmin qilinganidan ham tezroq sodir bo‘lishi mumkin. Bu haqda AQSH Tinch okeani floti qo‘mondoni Samuel Paparoning so‘zlariga asoslanib, The Washington Times nashri xabar berdi.
Admiralning tushuntirishicha, bu urushning birinchi bosqichi Amerikaning qo‘mondonlik, nazorat, elektron va kosmik tizimlariga qarshi kiberhujumlar bo‘ladi. Urushning o‘zi 2027-yilgacha boshlanishi mumkin — o‘sha paytda Xitoy armiyasi tashkil topganining yuz yilligini nishonlaydi.
Harbiy ofitser, shuningdek, AQSH hujumning oldini olish uchun “hozir, keyingi hafta, keyingi oy va o‘nlab yillar davomida tayyor turishi” kerakligini qo‘shimcha qildi.
So‘nggi ikki yil ichida Xitoy harbiy samolyotlar va kemalar bilan agressiv harbiy amaliyotlar o‘tkazdi, deb yozadi gazeta.
Avvalroq Xitoy tashqi ishlar vaziri Van I “Tayvan mustaqilligi” masalasi Xitoy va AQSH o‘rtasidagi munosabatlarning asosiy masalasi hisoblanishi haqida aytib o‘tgandi.
Izoh (0)