Jizzaxda noqonuniy yo‘llar bilan yengilroq jazo tayinlatib berishni vaʼda qilgan shaxs qo‘lga olindi, deb xabar beradi Bosh prokuratura huzuridagi departament.
Ma’lum qilinishicha, departament hamda DXXning Jizzax viloyati boshqarmalari tomonidan tezkor tadbir o‘tkazilgan. Tadbirda fuqaro R.A. “T-Sh.” MCHJ rahbari D.E.ga nisbatan qo‘zg‘atilgan jinoyat ishi bo‘yicha go‘yoki yuqori lavozimda ishlovchi tanishlari yordamida 15 ming dollar evaziga yengil jazo tayinlatib berishini aytib, shundan 5 ming dollarni olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 25, 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Eslatib o‘tamiz, dekabr boshlarida Davlat xavfsizlik xizmati xodimlari tomonidan o‘tkazilgan tezkor tadbirda Oliy sudning Jinoyat ishlari bo‘yicha sudlov hayʼati katta konsultanti fuqarodan 10 ming dollar olgan vaqtida ushlangan edi.
Izoh (0)