Surxondaryoda erkak yosh bolani urib, shafqatsiz munosabatda bo‘layotgani aytilgan va holat aks etgan video ijtimoiy tarmoqlarda tarqalgandi. Bosh prokuratura matbuot xizmati holat yuzasidan ma’muriy ish qo‘zg‘atilganini e’lon qildi.
Ma’lum qilinishicha, Termiz shahrining “Temiryo‘lchi” mahallasida yashovchi 42 yoshli erkak 2024-yil 28-yanvar kuni yashash uyida do‘konga olib borishini va turli xil shirinlik va o‘yinchoqlar olib berishini so‘ragan 4 yoshli o‘g‘lini qo‘pol so‘zlar bilan haqorat qilib, yengil tan jarohati yetkazgan.
Mazkur holat yuzasidan Ma’muriy javobgarlik to‘g‘risidagi kodeksining 41 (haqorat qilish) va 59-2 (oilaviy (maishiy) zo‘ravonlik) moddalari bilan hujjatlar rasmiylashtirilishi va to‘plangan hujjatlar sudga yuborilishi ta’minlangan.
Izoh (0)