Сурхондарёда эркак ёш болани уриб, шафқатсиз муносабатда бўлаётгани айтилган ва ҳолат акс этган видео ижтимоий тармоқларда тарқалганди. Бош прокуратура матбуот хизмати ҳолат юзасидан маъмурий иш қўзғатилганини эълон қилди.
Маълум қилинишича, Термиз шаҳрининг “Темирйўлчи” маҳалласида яшовчи 42 ёшли эркак 2024 йил 28 январь куни яшаш уйида дўконга олиб боришини ва турли хил ширинлик ва ўйинчоқлар олиб беришини сўраган 4 ёшли ўғлини қўпол сўзлар билан ҳақорат қилиб, енгил тан жароҳати етказган.
Мазкур ҳолат юзасидан Маъмурий жавобгарлик тўғрисидаги кодексининг 41 (ҳақорат қилиш) ва 59-2 (оилавий (маиший) зўравонлик) моддалари билан ҳужжатлар расмийлаштирилиши ва тўпланган ҳужжатлар судга юборилиши таъминланган.
Изоҳ (0)