Dunyodagi eng mashhur sayyohlik yo‘nalishlaridan biri bo‘lgan Italiya poytaxti Rim 2023-yilda Yevropaning eng xavfli shahri deb topildi.
Yevropa Ittifoqining 2023-yil uchun Yevropa shaharlaridagi hayot sifati bo‘yicha hisobotiga ko‘ra, so‘rovda qatnashganlarning atigi 38 foizi Rim ko‘chalarida tunda yurish xavfsiz ekanligiga rozi bo‘lgan. Antireytingda ikkinchi o‘rinni Gretsiya poytaxti Afina (40 foiz), uchinchi o‘rinni Fransiyaning port shahri Marsel (43 foiz) egalladi.
Shu bilan birga, Daniya poytaxti Kopengagen, Ispaniyaning Ovyedo shahri va Sloveniya poytaxti Lyublyana Yevropadagi eng xavfsiz deb topildi — ularning barchasi 87% dan ovoz olishdi.
Hisobot shuni ko‘rsatadiki, kichikroq shaharlarda ko‘proq odamlar o‘zlarini xavfsiz his qilishadi, o‘rtacha har o‘ntadan yettitasi. Aholisi 250 ming kishidan kam bo‘lgan shaharlarda aholining 75 foizi o‘zini xavfsiz his qiladi, aholisi 1 milliondan 5 milliongacha bo‘lgan shaharlarda bu ko‘rsatkich 67 foizga teng.
Ayollar erkaklarga qaraganda Yevropa shaharlarida o‘zlarini kamroq xavfsiz his qiladilar (67% erkaklar va 72% ayollar), 55 va undan katta yoshdagi aholi va ishsizlar esa shaharlarni xavfli deb bilishadi.
Hisobotga ko‘ra ta’lim darajasi xavfsizlik haqidagi tasavvurga ijobiy ta’sir ko‘rsatishi ham aniqlangan. Masalan, kollej ma’lumotiga ega bo‘lgan aholining 71 foizi tunda shaharda o‘zlarini xavfsiz his qilishlarini aytishgan, boshlang‘ich ma’lumotga ega bo‘lganlarning esa 67 foizi o‘zlarini xavfsiz his qilishlarini ma’lum qilishgan.
Izoh (0)