Rimda harorat rekordi yangilandi: shaharning sharqiy chekkasidagi ob-havo stansiyasi Selsiy bo‘yicha 41,7 darajani qayd etdi.
Latsio meteorologiya markazi ma’lumotlariga ko‘ra, eng yuqori harorat mahalliy vaqt bilan 16:10 da qayd etilgan.
Avvalgi rekord o‘tgan yilning iyun oyida o‘rnatilgani taxmin qilinmoqda. Boshqa ma’lumotlarga ko‘ra, rekord harorat 1983-yil iyulda qayd etilgan bo‘lib, o‘shanda 40-40,5 daraja issiq bo‘lgan.
Milliy meteorologiya markazi ekspertlarining fikricha, boshlangan hafta Italiyadagi meteorologik kuzatuvlar tarixidagi eng issiq haftaga aylanishi mumkin. Seshanba kuni Afrikaning Charon antisikloni keltirib chiqaradigan issiqlikning eng yuqori cho‘qqisiga chiqishi bashorat qilingan edi. Taxminlarga ko‘ra, shu kuni Italiyaning ko‘plab mintaqalarida termometrning simob ustuni 47 darajaga, Sardiniya orolida esa 48 darajaga yetadi.
Italiya Sog‘liqni saqlash vazirligi seshanba kuni mamlakatning 27 ta yirik shaharlaridan 20 tasida, jumladan, Rim, Bolonya, Neapol, Venetsiya, Palermo, Messina va Kalyarida ob-havo xavfining "qizil" (eng yuqori) darajasini e’lon qildi.
Izoh (0)