Rimda barcha turdagi itlar uchun birinchi restoran ochildi.
Restoran Fiuto deb nomlangan bo‘lib, italyanchadan tarjima qilganda “hid bilish” degan ma’noni anglatadi. Uning egasi Marko Turano uzoq vaqtdan beri restoran biznesi bilan shug‘ullanadi. To‘rt oyoqli hayvonlar uchun muassasa ochish g‘oyasini unga qiz do‘sti taklif qilgan.
Itlar uchun restoran menyusini ishlab chiqishda nafaqat insonlarga ovqat tayyorlaydigan oshpazlar, balki veterinarlar ham ishtirok etishdi.
Gazakka tovuq, mol, baliq go‘shti yoki sabzavotli boul taomi taklif etiladi. Asosiy taomlar — kartoshka pyuresi bilan tovuq bokkonchini yoki rikotta va qaynatilgan qovoq qo‘shilgan treska balig‘i. Itlar uchun hatto maxsus desert ham bor — ko‘pirtirilgan tuxum oqiga qovoq pyuresi va qiyma qo‘shilgan tort.
Barcha taomlar mehmonning og‘irligidan kelib chiqib ko‘proq yoki kamroq tortiladi. To‘rt oyoqli mehmonlar uchun ichishga eng yaxshi mineral suv beriladi.
Ushbu restoranda uy hayvonlari bilan birga ularning egalari uchun ham taom topiladi. It egalari uchun alohida oshxonada karbonara, kalmar qo‘shilgan fettuchchine, nyokki kabi italyan taomlari tayyorlanadi.
Izoh (0)