Rossiyada muhojirlar reyd vaqtida o‘tirgan holda yurishga majburlangani haqida xabar berilgandi. Rossiyadagi migrantlar huquqlarini taʼminlash bo‘yicha ombudsman murojaat yubordi.
Qayd etilishicha, Oliy Majlisning inson huquqlari bo‘yicha vakili (ombudsman) 2023-yilda Rossiyaga tashrifi davomida o‘sha yerda yashaydigan yurtdoshlarimiz bilan uchrashib, ularning yashash sharoitlari va muammolarini o‘rgangan. Hamyurtlar fikrlari asosida O‘zbekiston va Rossiya ombudsmanlari o‘rtasidagi hamkorlik yo‘lga qo‘yilib, murojaatlarni birgalikda ko‘rib chiqish, jumladan, Rossiya Federatsiyasi hududida mehnat qilayotgan o‘zbekistonliklar huquqlarini taʼminlash bo‘yicha ishlanadi.
Bundan avval ham ombudsman F.Eshmatova murojaatiga asosan Krasnodarda migrantlarga nisbatan o‘tkazilgan reydlar bo‘yicha o‘rganishlar olib borilib, maʼlumot taqdim etilgan. Rossiya ombudsmani migrantlar huquqlarini taʼminlash bo‘yicha monitoringlar o‘tkazayotganini va holat nazoratga olinganini maʼlum qilgan edi.
Ombudsman yuqoridagi “Russkaya Obshina Yekaterinburg” Telegram kanalida eʼlon qilingan holat bo‘yicha ham Rossiya Federatsiyasi ombudsmaniga murojaat qilib, Rossiyada bo‘lib turgan O‘zbekiston fuqarolarining mehnat huquqlari taʼminlanishida ko‘mak so‘radi.
Izoh (0)