Россияда муҳожирлар рейд вақтида ўтирган ҳолда юришга мажбурлангани ҳақида хабар берилганди. Россиядаги мигрантлар ҳуқуқларини таъминлаш бўйича омбудсман мурожаат юборди.
Қайд этилишича, Олий Мажлиснинг инсон ҳуқуқлари бўйича вакили (омбудсман) 2023 йилда Россияга ташрифи давомида ўша ерда яшайдиган юртдошларимиз билан учрашиб, уларнинг яшаш шароитлари ва муаммоларини ўрганган. Ҳамюртлар фикрлари асосида Ўзбекистон ва Россия омбудсманлари ўртасидаги ҳамкорлик йўлга қўйилиб, мурожаатларни биргаликда кўриб чиқиш, жумладан, Россия Федерацияси ҳудудида меҳнат қилаётган ўзбекистонликлар ҳуқуқларини таъминлаш бўйича ишланади.
Бундан аввал ҳам омбудсман Ф.Эшматова мурожаатига асосан Краснодарда мигрантларга нисбатан ўтказилган рейдлар бўйича ўрганишлар олиб борилиб, маълумот тақдим этилган. Россия омбудсмани мигрантлар ҳуқуқларини таъминлаш бўйича мониторинглар ўтказаётганини ва ҳолат назоратга олинганини маълум қилган эди.
Омбудсман юқоридаги “Русская Обшина Екатеринбург” Telegram каналида эълон қилинган ҳолат бўйича ҳам Россия Федерацияси омбудсманига мурожаат қилиб, Россияда бўлиб турган Ўзбекистон фуқароларининг меҳнат ҳуқуқлари таъминланишида кўмак сўради.
Изоҳ (0)