Фавқулодда вазиятлар вазирлиги Тошкент вилояти Янгийўл туманида юзага келган ёнғин юзасидан маълумот берди.
Маълум қилинишича, 12 январь куни соат 22:13 да Янгийўл тумани “Қўшёғоч” МФЙда жойлашган Delta Compressor МЧЖ га қарашли АГТКШ бостирмасининг 10 квадрат метр майдонда шифти ва тагида турган “КамАЗ-53212” русумли юк автомобилида ёнғин юзага келган.
Ёнғин жойига қутқарув экипажлари соат 22:17 да етиб бориб, у 22:20 да ўраб олинган ва соат 22:38 да ўчирилган.
Ёнғин натижасида тан жароҳати олган ва ҳалок бўлган фуқаролар қайд этилмаган. Ҳозирда ёнғиннинг келиб чиқиш сабаблари ва зарар миқдори аниқланмоқда.
Аввалроқ Тошкентда Matiz бутунлай ёниб кетгани, Қамчиқ довонида юз берган ЙТҲда юк машинаси ҳайдовчиси ва йўловчиси ҳалок бўлгани тўғрисида хабар берилганди.
Изоҳ (0)