Toshkent viloyati hokimligi ijtimoiy tarmoqlarda ko‘mir sifatining havo ifloslanishiga salbiy taʼsiri ko‘rsatilgan videolavhalarga munosabat bildirdi.
Ma’lum qilinishicha, “O‘zbekko‘mir” AJ tomonidan Angren va Yangi Angren issiqlik elektr stansiyalariga yetkazib berilayotgan mahalliy ko‘mir B2 markali bo‘lib, kulchanlik darajasi 42 foizni tashkil etadi. Bu mahsulot sifat guvohnomalariga mos bo‘lib, har ikki stansiya aynan ana shu ko‘mirga ixtisoslashgan.
Eko Faol @urikguli bilan pic.twitter.com/8ZoF8uySng
— SHAKA (@shakauz) January 9, 2024
“Angren issiqlik elektr stansiyasida 2016-yilda ishga tushirilgan yangi energoblok mahalliy ko‘mir hisobiga ishlaydi, ammo zamonaviy elektrofiltrlar hisobiga atmosferaga deyarli zararli gazlar chiqarmaydi”, — deyiladi munosabatda.
Ta’kidlanishicha, mazkur stansiyada energiyasamarador texnologiyalarni keng joriy etishga katta eʼtibor qaratilmoqda. Hozirda bu yerda har birining quvvati 300 megavattdan bo‘lgan yana 2 ta, ko‘mir yoqilg‘isida ishlaydigan yangi, zamonaviy energobloklar qurilishi rejalashtirilgan. Ular 2024—2025-yillarda ishga tushiriladi.
Izoh (0)