Тошкент вилояти ҳокимлиги ижтимоий тармоқларда кўмир сифатининг ҳаво ифлосланишига салбий таъсири кўрсатилган видеолавҳаларга муносабат билдирди.
Маълум қилинишича, “Ўзбеккўмир” АЖ томонидан Ангрен ва Янги Ангрен иссиқлик электр станцияларига етказиб берилаётган маҳаллий кўмир B2 маркали бўлиб, кулчанлик даражаси 42 фоизни ташкил этади. Бу маҳсулот сифат гувоҳномаларига мос бўлиб, ҳар икки станция айнан ана шу кўмирга ихтисослашган.
Eko Faol @urikguli bilan pic.twitter.com/8ZoF8uySng
— SHAKA (@shakauz) January 9, 2024
“Ангрен иссиқлик электр станциясида 2016 йилда ишга туширилган янги энергоблок маҳаллий кўмир ҳисобига ишлайди, аммо замонавий электрофилтрлар ҳисобига атмосферага деярли зарарли газлар чиқармайди”, — дейилади муносабатда.
Таъкидланишича, мазкур станцияда энергиясамарадор технологияларни кенг жорий этишга катта эътибор қаратилмоқда. Ҳозирда бу ерда ҳар бирининг қуввати 300 мегаваттдан бўлган яна 2 та, кўмир ёқилғисида ишлайдиган янги, замонавий энергоблоклар қурилиши режалаштирилган. Улар 2024—2025 йилларда ишга туширилади.
Изоҳ (0)