Nyu-Yorkning Bruklin shahridagi sinagoga ostida yashirin tunnel topildi. Bu haqda The New York Times xabar berdi.
Tunnel “Chabad-Lubavitch” diniy guruhi shtab-kvartirasi hamda sinagoga o‘rtasida yotqizilgan. Tunnel dekabr oyida pol ostidan yahudiy tilida gapirayotgan odamlarning ovozini eshitgan mahalliy aholining shikoyatlaridan keyin aniqlangan. Tunnel sinagogani yahudiylarning ritual hammomi — mikva bilan bog‘lashi kerak edi.
9-yanvarga o‘tar kechasi tunnellarni sement bilan to‘ldirish rejalashtirilgandi, biroq yahudiylar qattiq norozilik bildirgan. Ular ishchilarga to‘sqinlik qilish uchun o‘zlarini maxsus texnika ostiga tashlagan. Natijada jarayonga politsiya xodimlari aralashgan va 12 nafar yahudiyni hibsga olgan.
Tunnelni kim va nima uchun qurganligi haqida hozircha aniq ma’lumot yo‘q. G‘arb va Isroil ommaviy axborot vositalarida bu haqdagi ma’lumotlar turlicha. Xususan, Israel News nashrining yozishicha, “tunnellar harakat aʼzolari tomonidan, aftidan, tashkilotga tegishli hududni noqonuniy ravishda kengaytirish maqsadida qazilgan; Tunnellarda Tavrotni o‘rganish uchun xonalar tashkil etilgan”.
Izoh (0)