Toshkent shahrining ayrim hududlarida issiq suv taʼminoti saqlanib qolgan holda issiqlik taʼminoti vaqtincha to‘xtatiladi. Bu haqda Veolia Energy Tashkent kompaniyasi xabar berdi.
Qayd etilishicha, issiqlik energiyasi isteʼmoli datchiklarini almashtirish zarurati tufayli bugun, 4-yanvar kuni quyidagi manzillarda issiqlik taʼminoti vaqtincha to‘xtatiladi:
- Yakkasaroy tumani — Boshliq va Qushbegi mavzelari;
- Sergeli tumani — Avia shaharcha va Oltin Vodiy ko‘chalari;
- Mirobod tumani — G. Aliyev ko‘chasi.
Issiqlik taʼminoti ishlar tugashi bilan (taxminan bugun soat 18:00 gacha) tiklanadi.
Veolia Energy Tashkent MChJ XK vaqtinchalik noqulayliklar uchun oldindan uzr so‘raydi va issiqlik taʼminotini tezroq qayta tiklash uchun barcha zarur choralarni ko‘radi.
Eslatib o‘tamiz, 16-dekabr kuni Shayxontohur va Olmazor tumanlarining ayrim hududlarida issiq suv va issiqlik taʼminoti vaqtincha to‘xtatilgandi. 25-dekabrda esa Yashnobod tumanidagi 22 ta bog‘cha, 19 ta maktab va minglab xonadonlar bir sutka suv ta’minotisiz qolgan edi.
Izoh (0)