Тошкент шаҳрининг айрим ҳудудларида иссиқ сув таъминоти сақланиб қолган ҳолда иссиқлик таъминоти вақтинча тўхтатилади. Бу ҳақда Veolia Energy Ташкент компанияси хабар берди.
Қайд этилишича, иссиқлик энергияси истеъмоли датчикларини алмаштириш зарурати туфайли бугун, 4 январь куни қуйидаги манзилларда иссиқлик таъминоти вақтинча тўхтатилади:
- Яккасарой тумани — Бошлиқ ва Қушбеги мавзелари;
- Сергели тумани — Авиа шаҳарча ва Олтин Водий кўчалари;
- Миробод тумани — Г. Алиев кўчаси.
Иссиқлик таъминоти ишлар тугаши билан (тахминан бугун соат 18:00 гача) тикланади.
Veolia Energy Tashkent МЧЖ ХК вақтинчалик ноқулайликлар учун олдиндан узр сўрайди ва иссиқлик таъминотини тезроқ қайта тиклаш учун барча зарур чораларни кўради.
Эслатиб ўтамиз, 16 декабрь куни Шайхонтоҳур ва Олмазор туманларининг айрим ҳудудларида иссиқ сув ва иссиқлик таъминоти вақтинча тўхтатилганди. 25 декабрда эса Яшнобод туманидаги 22 та боғча, 19 та мактаб ва минглаб хонадонлар бир сутка сув таъминотисиз қолган эди.
Изоҳ (0)