Toshkent shahar bojxona boshqarmasining “Ark buloq” bojxona postida navbatdagi huquqbuzarlik holatiga chek qo‘yildi, deb xabar beradi bojxona boshqarmasi matbuot xizmati.
Qayd etilishicha, taqdim etilgan bojxona yuk deklaratsiyasi asosida qizil yo‘lakka yo‘naltirilgan. Xorijdan keltirilgan yuk hujjatlarida 9,6 ming dona “ko‘p marotaba qo‘llaniladigan nikotinsiz elektron tamaki mahsulotlari” deya ko‘rsatilgan tovarlarning bojxona ko‘rigi davomida tovar qadog‘idagi tovar tarkibi to‘g‘risidagi maʼlumotlar o‘rganilganida, nikotinli elektron tamaki mahsulotlari ekani maʼlum bo‘lgan.
Shuningdek, ko‘rik davomida yuk hujjatlarida ko‘rsatilganidan ortiqcha bo‘lgan 390 dona elektron tamaki mahsulotlari borligi aniqlangan.
Ushbu holatda tovarlarning TIF TN kodlari noto‘g‘ri tasniflanishi natijasida davlat budjetiga 280 million so‘mlik bojxona to‘lovlarining undirilmay qolinishining oldi olingan va qiymati 1,3 milliard so‘mlik 9,9 ming dona elektron tamaki mahsulotlari vaqtincha saqlovga olingan.
Hozirda mazkur holat yuzasidan surishtiruv harakatlari olib borilmoqda.
- Avvalroq Xorazmda 422 million so‘mlik aksiz markasiz tamaki mahsulotlari aniqlangani,
- Navoiy va Buxoroda 600 mln so‘mlik qalbaki aksiz markali alkogol mahsulotlari savdosining oldi olingani to‘g‘risida xabar berilgandi.
Izoh (0)