O‘zbekistonda davlat madaniyat muassasalari va davlat arxivlari xodimlari oyligi oshirildi.
3-yanvardan boshlab “Davlat madaniyat muassasalari va davlat arxivlari xodimlari mehnatiga haq to‘lash va ularni moddiy rag‘batlantirishning takomillashtirilgan tizimini tasdiqlash haqida” 2018-yil 19-iyundagi qaroriga o‘zgarish kiritish to‘g‘risidagi hukumat qarori kuchga kirdi.
Unda davlat madaniyat muassasalari va davlat arxivlari xodimlarining mehnatiga haq to‘lashning eng kam miqdoriga nisbatan hisoblanadigan bazaviy lavozim maoshlari miqdorlari keltirildi.
Shavkat Mirziyoyev 2023-yil 22-dekabr kuni Respublika Ma’naviyat va ma’rifat kengashining yig‘ilishida madaniyat va san’at, kutubxona va muzeylar sohasida ishlayotgan xodimlar oyliklari oshirilishini aytgandi. Madaniyat va san’at, kutubxona va muzeylar sohasida faoliyat olib borayotgan xodimlarning oyliklari 2024-yil 1-apreldan 20 foizga, 2025-yil 1-yanvardan yana 15 foizgacha bo‘lgan miqdorda oshirilishi ma’lum qilingandi.
Izoh (0)