Andijon viloyati Izboskan tumaniga yangi hokim tayinlandi. Bu haqda viloyat hokimligi axborot xizmati xabar berdi.
Ma’lum qilinishicha, Izboskan tumani hokimi lavozimiga Karimov Elyorbek tayinlandi. Elyorbek Karimov 1986-yilda Andijon viloyatining Izboskan tumanida tug‘ilgan. 2008-yilda Andijon qishloq xo‘jalik institutini (sirtqi) tamomlagan.
Mehnat faoliyati davomida g‘aznachilik hamda moliya tizimining tuman hamda viloyat idoralarida mas’ul lavozimlarda, shuningdek, Izboskan tumani hokimining birinchi o‘rinbosari, viloyat investitsiyalar, sanoat va savdo boshqarmasi boshlig‘ining birinchi o‘rinbosari lavozimlarida faoliyat yuritgan.
Ushbu lavozimga tayinlanguniga qadar Savdo-sanoat palatasi Andijon viloyati hududiy boshqarmasi boshlig‘i (v.v.b) lavozimida faoliyat yuritayotgan edi.
Izoh (0)