Surxondaryoning Denov tumanida 16 yoshli bola mashina boshqargani aniqlandi. Ijtimoiy tarmoqlarda uning YPX xodimidan qochgani aks etgan video tarqaldi.
Viloyat IIB JXX YHXB matbuot xizmatining ma’lum qilishicha. 26-dekabr kuni 12:45 larda Denov tumani Sharof Rashidov ko‘chasida xizmat olib borayotgan YPX inspektori to‘xtash taqiqlangan joyda turgan Gentra haydovchisining yoniga kelib, qoida buzganini tushuntirgan.
Me’yoriy hujjatlarini taqdim etishni so‘raganda haydovchi — 16 yoshli fuqaro A.Sh. hujjatlari yo‘qligini va otasi kelib taqdim etishini ma’lum qilib, shu zahoti avtomashinani o‘t oldirib, harakatlanib ketgan.
Olib borilgan tezkor choralar natijasida transport vositasi to‘xtatilib, haydovchisi tuman Denov tumani IIB ga olib borib topshirilgan.
Hozirda holat yuzasidan surishtiruv ishlari olib borilmoqda.
Izoh (0)