Jizzax viloyatida Gentra avtomobillarida xavfli harakatlarni amalga oshirgan qoidabuzar haydovchilarga chora ko‘rildi. Bu haqda “Markaziy studiya” informatsion dasturida ma’lum qilindi.
Qayd etilishicha, mazkur holat 30-iyun kuni Jizzax viloyatida bir guruh haydovchilar yo‘lda belgilangan qoidalarga zid ravishda harakat qilgan. Surishtiruv ishlari davomida “shahar bizniki”, deya baqirgan ushbu qoidabuzarlar viloyatning Zomin tumanida yashovchi fuqarolar ekani ma’lum bo‘lgan.
“Qilgan ishimizdan afsusdamiz, ikkinchi marotaba qaytarilmaydi, kechirim so‘raymiz”, — deydi qoidabuzarlardan biri.
Hozirda ushbu haydovchilarga nisbatan Ma’muriy javobgarlik to‘g‘risidagi kodeksning 129-moddasiga (transport vositalari haydovchilarining yo‘l harakati xavfsizligiga tahdid soluvchi guruh bo‘lib harakat qilishda qatnashishi) asosan ma’muriy bayonnoma rasmiylashtirilgan va transport vositalari jarima maydoniga joylashtirilgan.
Qoidabuzar haydovchilar
2023-yilning fevral boshlarida Qashqadaryo viloyati Qarshi shahrida 5-fevral kuni to‘y korteji yo‘lning har ikkala qatnov qismini to‘sib, guruh bo‘lib harakatlangani to‘g‘risida xabar berilgandi. Ularga nisbatan Maʼmuriy javobgarlik to‘g‘risidagi kodeksning tegishli moddalariga asosan, maʼmuriy bayonnoma tuzilib, avtomashinalar vaqtinchalik saqlash maydonchasiga qo‘yilgan.
Aprel oxirlarida esa Buxoro shahrida transport vositalari harakatiga xalaqit bergan to‘y korteji avtomobillari vaqtinchalik jarima maydoniga joylashtirilgan edi. Shuningdek, 2022-yilning iyulida Namanganda transport vositalari harakatiga xalaqit bergan to‘y korteji avtomobillari jarima maydoniga joylashtirilgan.
Izoh (0)