Samarqand viloyatining Past Darg‘om tumanidagi shifoxonada homilador ayol vafot etdi. Bu haqda jamoatchilikka xabar bergan boshqarma mas’uliga ko‘ra, ayolda 22-dekabr kuni soat 10:35 da biologik o‘lim kuzatilgan.
Dastlabki o‘rganishlarga ko‘ra, joriy yilninig 22-dekabr kuni soat tongi 04:00 da Past Darg‘om tuman tibbiyot birlashmasining tug‘ruq bo‘limiga shu tumanning “Istiqlol” mahallasida yashovchi fuqaro Z.B. qorin qismida dardsimon og‘riq borligi, ko‘ngil aynishi kabi shikoyatlari bilan murojaat qilgan, — deyiladi boshqarma xabarida.
Ma’lum bo‘lishicha, 2001-yilda tug‘ilgan bemor shifoxonaga qaynonasi hamda turmush o‘rtog‘i hamrohligida, tez tibbiy yordam mashinasida olib kelingan.
Tezkor tibbiy ko‘riklar natijasida homilador ayolning ikkinchi homilasi va homilaning 38 haftaligi aniqlangan. Bemorda chalg‘ituvchi, yolg‘on tug‘uruq belgilari, kam qonlikning o‘rta og‘ir darajasi bo‘lgan, — deydi mas’ul.
Qo‘shimcha qilinishicha, 2022-yil 18-iyul kuni bemor ayolda o‘ng kichik boldir suyagi pastki uchligida o‘sma aniqlangan. Shu sabab u Respublika ixtisoslashtirilgan onkologiya va raddiologiya ilmiy amaliy tibbiyot markazi Samarqand filialida jarrohlik amaliyotini o‘tkazgan.
Homilador ayol o‘sha kuni tuman tibbiyot birlashmasining tug‘uruq bo‘limida shifokorlar kuzatuvida bo‘lgan. Biroq belgilangan standartlar bo‘yicha ko‘rsatilgan muolajaalarga qaramasdan, soat 10:35 da vafot etgan. Shundan so‘ng, holat yuzasidan tuman IIBga xabar berilgan va marhuma sud tibbiy ekspertiza byurosi tekshiruvlariga yuborilgan.
Tibbiy tekshiruvlar natijalari va o‘rganish xulosalari bo‘yicha qo‘shimcha ma’lumot berilishini ma’lum qilamiz, — deyiladi boshqarma axborotida.
Izoh (0)